Ադրբեջանի պաշտպանության նախարարը Թուրքիայում է․ հանդիպումներ են անցկացվել

Ադրբեջանի պաշտպանության նախարար, գեներալ-գնդապետ Զաքիր Հասանովը պաշտոնական այցով Թուրքիայում է, հայտնում է երկրի ՊՆ–ն։

Այցի շրջանակներում Զաքիր Հասանովը հանդիպել է Թուրքիայի պաշտպանական արդյունաբերության կոմիտեի նախագահ Հալուք Գյորգյունի հետ։ IDEF-2025 17-րդ միջազգային պաշտպանական արդյունաբերության ցուցահանդեսի շրջանակներում կայացած հանդիպմանը հատուկ ընդգծվել է, որ «բարեկամության, եղբայրության և ռազմավարական դաշինքի վրա հիմնված ադրբեջանա-թուրքական ռազմական համագործակցության հետագա ընդլայնումը գտնվում է երկու պետությունների ղեկավարների ուշադրության կենտրոնում»։

Կողմերը քննարկել են նաև երկու երկրների միջև ռազմական կապերի զարգացման հեռանկարները և այլ հետաքրքրություն ներկայացնող հարցեր։