Զելենսկիին զգուշացրել են՝ Կիևը պատերազմում կարող է պարտվել մեկ պատճառով

Ուկրաինայի ազգային հակակոռուպցիոն բյուրոյի (NABU) և կոռուպցիայի դեմ պայքարի մասնագիտացված դատախազության (SAP) անկախության սահմանափակումները կարող են հանգեցնել երկրում լայնածավալ բողոքի ցույցերի և երկարաժամկետ հեռանկարում՝ Կիևի պարտության հակամարտության մեջ։ Այս մասին Bild-ին հայտնել է Ուկրաինայի հարցերով գերմանացի փորձագետ, «Գերմանաուկրաինական բյուրո» կազմակերպության ղեկավար Մատիա Նելեսը։

«Եթե Զելենսկին կորցնի բնակչության մեծ մասի աջակցությունը, նրան սպառնում է պարտություն Ռուսաստանի դեմ պատերազմում։ Առաջիկա օրերին մենք պետք է սպասենք զգալիորեն ավելի շատ բողոքի ցույցերի», - ընդգծել է նա։

Մասնագետի խոսքով՝ այսօր Ուկրաինայում «ծայրահեղ լարված» մթնոլորտ է, որը սրվում է երկրում կոռուպցիայի դեմ պայքարի մարմինների անկախության վերացմամբ։