Զելենսկու որոշումը սպառնալիք է ստեղծել․ WP

Ուկրաինայի Ազգային հակակոռուպցիոն բյուրոյի և մասնագիտացված հակակոռուպցիոն դատախազության ինքնավարության փաստացի վերացումը սպառնալիքի տակ է դնում Արևմուտքի երկրների ռազմական օգնությունը Կիևին: Այս մասին գրում է The Washington Post թերթը՝ վկայակոչելով եվրոպացի դիվանագետներին։

«Դա կարող է նույնիսկ թուլացնել Ուկրաինային ռազմական օգնությունն ավելացնելու Արևմուտքի ցանկությունը։ Հուսով ենք, որ նման բան տեղի չի ունենա, բայց նման գործողությունները, անշուշտ, չեն օգնի հաղթել այս պատերազմում, ընդհակառակը՝ էլ ավելի կթուլացնեն Ուկրաինան», - ասել է պարբերականի զրուցակիցը։

Նրա խոսքով՝ Ուկրաինայի ղեկավարության նման գործողությունները խաթարում են Կիևի և արևմտյան դաշնակիցների միջև վստահությունը: