Մոսկվան Կիևին առաջարկել է ստեղծել երեք աշխատանքային խումբ

Ռուսաստանը Ուկրաինային առաջարկել է ստեղծել երեք աշխատանքային խումբ՝ առցանց աշխատելու համար։ Այս մասին հայտարարել է Ռուսաստանի նախագահի օգնական և ռուսական պատվիրակության ղեկավար Վլադիմիր Մեդինսկին ուկրաինական կողմի հետ բանակցությունների երրորդ փուլի ավարտից հետո, հաղորդում է ՏԱՍՍ-ը։

«Ի՞նչ առաջարկեցինք այս անգամ ուկրաինական կողմին։ Հարկ վճարողների համար ժամանակ և գումար խնայելու համար մեր պատվիրակության կազմում ձևավորել երեք աշխատանքային խմբեր, որոնք կաշխատեն առցանց», - մանրամասնեց նա։

Ռուսաստանի նախագահի օգնականի խոսքով՝ դրանք կլինեն քաղաքական հարցերի, մարդասիրական հարցերի աշխատանքային խմբեր և ռազմական հարցերի աշխատանքային խումբ, որը կազմված կլինի ռազմական գերատեսչությունների համապատասխան մասնագետներից։

Մեդինսկին նշեց, որ ուկրաինական կողմը մտադիր է քննարկել այս առաջարկը։