Ֆրանսիական լրատվամիջոցները գրում են Մակրոնի և ՆԳ նախարարի միջև կոնֆլիկտի մասին

Ֆրանսիական քաղաքական շրջանակներում լարվածություն է հասունանում նախագահ Էմանուել Մակրոնի և ներքին գործերի նախարար Բրունո Ռետայոյի միջև, հաղորդում է Le Parisien-ը՝ հղում անելով տեղեկացված աղբյուրներին։

Թերթի աղբյուրները պնդում են, որ վերջին կաբինետի նիստում Մակրոնը հրապարակավ Ռետայոյին «կոշտ հարցեր» է տվել Ֆրանսիայի հարավում հանցագործությունների աճի վերաբերյալ։ Լրագրողները ենթադրել են, որ նախագահի արձագանքը պատասխան էր ներքին գործերի նախարարի՝ վերջերս Valeurs Actuelles-ում հրապարակված հոդվածին, որտեղ նա հայտարարել էր, որ «մակրոնիզմը կավարտվի Մակրոնով» և մեղադրել էր նախագահին քաղաքական երկվության մեջ։

Հոդվածում Ռետայոն քննադատել է նախագահի քաղաքական կուրսը՝ պնդելով, որ աջ և ձախ օրակարգերը համատեղելու փորձը միայն հանգեցնում է իշխանության կաթվածահարության։ Նրա հայտարարությունները սուր արձագանք են առաջացրել Մակրոնին մոտ կանգնած քաղաքական գործիչների, այդ թվում՝ նախկին վարչապետ Էլիզաբեթ Բորնի, կրթության և շրջակա միջավայրի նախարար Ագնես-Պանիե Ռունաշի կողմից։

Թերթի տվյալներով՝ աջ կենտրոնամետ Հանրապետական կուսակցության ղեկավար Ռետայոն նախագահի քաղաքական դաշնակիցներից չէ և վերջերս բազմիցս քննադատել է նրա գործողությունները։ Կառավարության նախարարները բացասաբար են արձագանքել նման հարձակումներին՝ հատկապես հաշվի առնելով երկրում տիրող ծանր անվտանգային իրավիճակը։