Ուկրաինան կարող է հարվածել Ռուսաստանին․ Գերմանիայի ԱԳՆ

Ուկրաինան կունենա «ազդեցություն գործադրելու» հնարավորություն Ռուսաստանի տարածքում։ Այս մասին հայտարարել է Գերմանիայի արտաքին գործերի նախարար Յոհան Վադեֆուլը Die Zeit թերթին տված հարցազրույցում՝ մեկնաբանելով ուկրաինական կողմին գերմանական Taurus հեռահար հրթիռներ մատակարարելու հնարավորությունը։

«Ուկրաինան իրավունք ունի պաշտպանվել հարձակումներից։ Դրա համար Ուկրաինան նաև կունենա ազդեցություն գործադրելու հնարավորություն Ռուսաստանի տարածքում», - ասել է Գերմանիայի արտաքին գործերի նախարարության ղեկավարը՝ Taurus-ը անվանելով տեխնիկապես բարդ զենքի համակարգ։

Նա նաև հավելել է, որ Ուկրաինային նոր զենքի մատակարարումը բարդանում է ոչ թե ֆինանսական դժվարություններով, այլ նոր համակարգերի մատչելիության և արտադրության հետ կապված խնդիրներով։