Ուկրաինան փորձում է «պատերազմի տարրեր» տեղափոխել Ռուսաստանի տարածք․ Պեսկով

Ռուս զինվորականները անում են ամեն ինչ՝ Ուկրաինայի հետ սահմանին բուֆերային գոտիներ ստեղծելու համար։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, հաղորդում է ՌԻԱ Նովոստին։

Նրա խոսքով՝ Ուկրաինայի իշխանությունները փորձում են տարբեր «պատերազմական տարրեր» տեղափոխել Ռուսաստանի տարածք։ Այս առումով, ռուս զինվորականները «անում են ամեն ինչ՝ որոշակի բուֆերային գոտիներ ստեղծելու և այլնի համար, և ամենակարևորը՝ ռազմական և կիսառազմական ենթակառուցվածքները ոչնչացնելու համար»։

Հուլիսի 23-ին ռուսական պատվիրակության ղեկավար Վլադիմիր Մեդինսկին հայտնել է, որ Ռուսաստանը Թուրքիայում բանակցությունների ժամանակ կրկին առաջարկել է Ուկրաինային կարճատև դադարներ հայտարարել մարտական շփման գծում, որպեսզի բժշկական խմբերը կարողանան տեղափոխել վիրավորներին։