Մոսկվան Արևմուտքի ձեռքն է տեսնում Գորդոնի` Ստեփանակերտում ՏՀԿ գագաթնաժողովին այցի մեջ. Զախարովա

Մոսկվան Արևմուտքի միջամտությունն է տեսնում ուկրաինացի լրագրող Դմիտրի Գորդոնի` Ստեփանակերտում Տնտեսական համագործակցության կազմակերպության (ՏՀԿ) գագաթնաժողովում հայտնվելու մեջ։ Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

Նրա խոսքով՝ Գորդոնը ծայրահեղականների և ահաբեկիչների ռուսական գրանցամատյանում է։

Զախարովան նրա հայտնվելը որակել է՝ որպես «սև բիծ» նրանց համար, ովքեր հույսը դնում են Արևմուտքի վրա։
Այս համատեքստում նա հիշեցրել է Գորդոնի բազմաժամ հարցազրույցը Մինսկում, որը, ըստ նրա, օգտագործվել է Բելառուսում հակասահմանադրական գործողություններ պլանավորող ուժերի կողմից։

«Եվ հիմա ես կարծում եմ, որ այս ծայրահեղականին որոշակի պատճառով են այստեղ նետել։ Հետևաբար, ես բացարձակապես համաձայն եմ նրանց հետ, ովքեր տեսնում են Արևմուտքի ձեռքը ամեն ինչում, ինչ տեղի է ունենում մեր տարածքում», - ասել է Զախարովան։