Միջուկային զենքից զերծ գոտիների ստեղծումը ամրապնդում է միջուկային զենքի չտարածման ռեժիմը․ Զախարովա

Ռուսաստանը միջուկային զենքից զերծ գոտիների ստեղծումը դիտարկում է՝ որպես միջուկային զենքի չտարածման ռեժիմի ամրապնդման կարևոր գործիք։ Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, հաղորդում է ՏԱՍՍ-ը։

Նրա խոսքով՝ Մոսկվան պատրաստ է ցանկացած պահի ստորագրել Հարավարևելյան Ասիայում միջուկային զենքից զերծ գոտու մասին պայմանագրի արձանագրությունը։

Զախարովան ընդգծել է, որ Ռուսաստանը միջուկային զենքից զերծ գոտիների ստեղծումը դիտարկում է՝ որպես միջուկային զենքի չտարածման ռեժիմի, ինչպես նաև տարածաշրջանային և միջազգային անվտանգության և կայունության ամրապնդման կարևոր գործիք։