Ադրբեջանը Սիրիային գազ կմատակարարի

Ադրբեջանական բնական գազը Սիրիա կսկսի մատակարարվել Թուրքիայի հարավում գտնվող Քիլիս նահանգով՝ 2025 թվականի օգոստոսի 1-ից։ Այս մասին տեղեկացնում է Oxu.az-ը։

Պարբերականի փոխանցմամբ՝ սկզբնական փուլում 1.2 մլրդ խորանարդ մետր ադրբեջանական գազը կօգտագործվի Սիրիայի Հալեպ և Հոմս նահանգներում էլեկտրաէներգիայի արտադրության համար։

Նշվում է, որ Ադրբեջանի կողմից իրականացվող նախագիծը կօգնի վերակենդանացնել Սիրիայի ավերված Էլեկտրական ենթակառուցվածքը և միաժամանակ ևս մեկ անգամ կհաստատի Թուրքիայի՝ որպես տարածաշրջանային էներգետիկ հանգույցի կարգավիճակը: