Թալիբանը կշարունակի պատերազմը Աֆղանստանում, եթե ՆԱՏՕ-ն չհեռանա այդ երկրից

Թալիբները սպառնում են շարունակել պատերազմը Աֆղանստանում, եթե նրա տարածքում մնա թեկուզ մեկ օտարերկրյա զինվոր: Շաբաթ օրը տարածած հաղորդագրությունը հնչել էր ԱՄՆ-ի և Աֆղանստանի նախագահների հանդիպումից մեկ շաբաթ առաջ: ԱՄՆ-ի և Աֆղանստանի նախագահների միջև բանակցությունները կկայանան եկող շաբաթ, հայտնում է Agence France-Press-ը:

Բանակցությունների ժամանակ ակնկալվում է, որ Բարաք Օբաման և Համիդ Քարզայը կքննարկեն Աֆղանստանում մնացող ՆԱՏՕ-ի զինվորների քանակը, որոնք անհրաժեշտ են Ալ Քաիդայի գրոհայինների հարձակումների դեմ պայքարելու և աֆղան զինվորականներին ուսումնական նպատակներով ռազմական հմտություններ սովորեցնելու համար, որպեսզի նրանք կարողանան 2014թ. Աֆղանստանից ՆԱՏՕ-ի զորքերի վերջնական դուրսբերումից հետո ինքնուրույն պաշտպանել երկրի տարածքը: