Ադրբեջան-Իսրայել համագործակցությունը կարող է վերածվել «տարածաշրջանային ուժի»․ դեսպան
Աշխարհ
Ադրբեջանի և Իսրայելի միջև համագործակցությունը կարող է վերածվել տարածաշրջանային ուժի։ Այս մասին հայտարարել է Ադրբեջանում Իսրայելի դեսպան Ջորջ Դիկը, հաղորդում է ԱՊԱ–ն:
Նա նշել է, թե «Ադրբեջանի համար պատիվ է, որ այդպիսի զարգացման է հասել նման դժվարին հարևանության պայմաններում»։
Ջորջ Դիկը Ադրբեջանը բնութագրել է որպես «Իսրայելի հուսալի գործընկեր»։ Նա ընդգծել է, թե «Ադրբեջանն արդեն իսկ ակտիվ դեր է խաղում Մերձավոր Արևելքում»։
Դիկը նաև հայտարարել է, թե Իսրայելը գործնականում ոչնչացրել է Իրանի նոր բալիստիկ հրթիռներ արտադրելու կարողությունը, ինչպես նաև լուրջ վնաս է հասցրել Իրանի տարածաշրջանային միջնորդներին, հրթիռային զինանոցներին և միջուկային ենթակառուցվածքներին։
Դեսպանի խոսքով՝ Իսրայելը նաև հզոր հարվածներ է հասցրել Լիբանանում «Հեզբոլլահին» և Գազայում «ՀԱՄԱՍ»–ին։
«Այսօր թուլացած Իրանի հետ աշխարհն, այդ թվում՝ Մերձավոր Արևելքն ու Հարավային Կովկասը, ավելի անվտանգ է դարձել», - ընդգծել է Ջորջ Դիկը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
