Պուտինի օգնականը պնդում է` ՆԱՏՕ-ն ցանկանում է խախտել Ռուսաստանի ինքնիշխանությունը

Հյուսիսատլանտյան դաշինքը ձգտում է խախտել Ռուսաստանի Դաշնության տարածքային ամբողջականությունը ռազմական ճանապարհով։ Այս մասին ՌԻԱ Նովոստիին տված հարցազրույցում հայտարարել է Ռուսաստանի ղեկավարի օգնական և Ռուսաստանի ռազմածովային կոլեգիայի նախագահ Նիկոլայ Պատրուշևը։

Նրա խոսքով՝ Կալինինգրադի մարզի դեմ ուղղված սպառնալիքները ՆԱՏՕ-ի ծրագրերի վկայությունն են։

«Ակնհայտ է, որ Կալինինգրադի մարզի դեմ ուղղված սպառնալիքները ՆԱՏՕ-ի անդամ երկրների կողմից Ռուսաստանի Դաշնության ինքնիշխանությունն ու տարածքային ամբողջականությունը ռազմական ճանապարհով խախտելու ձգտման ևս մեկ հաստատում են», - նշել է Պատրուշևը։