Հունգարիայի արտաքին գործերի նախարարը մեղադրել է Եվրահանձնաժողովին «կեղտոտ խաղի» մեջ
Աշխարհ
Եվրոպական հանձնաժողովը օգտագործում է ֆինանսավորումը՝ ճնշում գործադրելու իր քաղաքականության հետ չհամաձայնող երկրների, այդ թվում՝ Հունգարիայի վրա։ Այս մասին ՌԻԱ Նովոստիին տված հարցազրույցում հայտարարել է Հունգարիայի արտաքին գործերի նախարար Պետեր Սիյարտոն։
«Եվրոպական հանձնաժողովը կեղտոտ խաղ է խաղում։ Նրանք սովորաբար վճարումներին կցում են, այսպես կոչված, «պայմաններ», ինչը նրանց հնարավորություն է տալիս ֆինանսական պատժամիջոցներ կիրառել այն երկրների կամ կառավարությունների դեմ, որոնց քաղաքականապես չեն սիրում։ Ահա թե ինչ է կատարվում Հունգարիայի հետ հիմա», - ասել է դիվանագետը։
Սիյարտոյի խոսքով՝ Հունգարիան «ֆինանսական պատժամիջոցների» տակ է ազգային շահերի վրա հիմնված հայրենասիրական, պահպանողական քաղաքականություն վարելու համար։
«Բրյուսելի կողմից ճնշումները սկսվել են անմիջապես մեր իշխանության գալուց հետո՝ 2010 թվականին։ Այնուհետև պարզ դարձավ՝ մենք լիբերալ հոսանքի մաս չենք կազմում», - ասել է նախարարը։
Նա նաև նշել է, որ Հունգարիայի իշխանությունները գործում են ոչ թե ԵՀ շահերից, այլ իրենց երկրի և քաղաքացիների շահերից ելնելով։
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
