Ինչ կլինի, եթե 2024 YR4 աստերոիդը բախվի Լուսնի հետ. CNN
Գիտություն և Մշակույթ
Լուսնի հետ 2032 թվականին 2024 YR4 աստերոիդի հնարավոր բախումը կարող է արտանետել մինչև 100 000 տոննա լուսնային ապար, որը կվնասի արբանյակներին և Երկրի ուղեծրում գտնվող այլ սարքերին: Այս մասին հաղորդում է CNN հեռուստաալիքը՝ հղում անելով ԱՄՆ Նյու Յորք նահանգի Կոռնելի համալսարանի գիտնականներին։
NASA-ի տվյալներով՝ այսօր 2032 թվականին 2024 YR4-ի Լուսնի հետ բախման հավանականությունը կազմում է 4,3%: Գիտնականները զգուշացնում են, որ սա վերջին 5000 տարվա ընթացքում Լուսնի հետ ամենամեծ բախումն է լինելու։
«Նույնիսկ ընդամենը մի քանի տասնյակ սանտիմետր չափի բեկորները կարող են վտանգ ներկայացնել Լուսնի վրա գտնվող ցանկացած տիեզերագնացի կամ նրանց կողմից հետազոտական և բնակության համար կառուցված ցանկացած սարքի համար», - CNN-ը մեջբերում է խմբի առաջատար գիտնական Փոլ Վիգերտի մեկնաբանությունը։
Այս պատճառով` թիմը նշել է, որ ապագայում մոլորակային պաշտպանության գաղափարները պետք է ազդեն նաև մերձլուսնային տարածության վրա։
Վիգերտը հավելել է, որ բախումը կարող է առաջացնել պայծառ լուսարձակում, որը տեսանելի կլինի Երկրից մի քանի վայրկյան, ինչպես նաև Լուսնի վրա ստեղծել հարվածային խառնարան, որի լայնությունը կարող է հասնել մինչև մեկ կիլոմետրի։
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
