2024 YR4 աստղակերպը կարող է բախվել Լուսնին․ CNN

2024 YR4 աստղակերպը կարող է բախվել Լուսնին 2032 թվականի դեկտեմբերին։ Գիտնականները գնահատում են բախման հավանականությունը 4.3%, հաղորդում է CNN-ը։

Լոնդոնում Արևմտյան համալսարանի աստղագիտության պրոֆեսոր Փոլ Վիգերտի խոսքով՝ եթե աստղակերպը բախվի Երկրի արբանյակին, այն կարող է վնաս հասցնել տիեզերագնացներին։ «Նույնիսկ մի քանի տասնյակ սանտիմետր չափի բեկորները կարող են վտանգ ներկայացնել Լուսնի վրա գտնվող ցանկացած տիեզերագնացի կամ նրանց կողմից կառուցված սարքերի համար», - հաղորդում է հեռուստաալիքը։

Հարվածը կարող է նաև ազդել Երկրի արբանյակային պարկի վրա, ինչը զգալիորեն կազդի մարդկային կյանքի բոլոր ասպեկտների վրա։

Այս պատճառով գիտնականները եզրակացրել են, որ ապագայում պաշտպանության կարիք կունենա ոչ միայն Երկիրը, այլև լուսնային տարածությունը։

2024 YR4 աստղակերպի տրամագիծը մոտ 60 մ է, որը համեմատելի է 20 հարկանի շենքի հետ։ Այն ստացել է «քաղաքներ ավիրող» մականունը, քանի որ կարող է զանգվածային ավերածություններ պատճառել Երկրի հետ բախվելու դեպքում։