Թրամփը կորցնում է համբերությունը

ԱՄՆ պետքարտուղար Մարկո Ռուբիոն Fox News-ի եթերում ԱՄՆ նախագահի հարս Լարա Թրամփին տված հարցազրույցում ասել է, որ պետության ղեկավար Դոնալդ Թրամփը գնալով ավելի քիչ է պատրաստ սպասել Ռուսաստանի կողմից ուկրաինական հակամարտությանը վերջ դնելու քայլերին։

«Ժամանակն է գործել, և կարծում եմ, որ նախագահը դա շատ հստակ ասել է։ Նա կորցնում է համբերությունը և գնալով ավելի քիչ է պատրաստ շարունակել սպասել, որ ռուսական կողմը որևէ քայլ կձեռնարկի այս պատերազմին վերջ դնելու համար», - ասել է Ռուբիոն։

Ավելի վաղ The Sunday Telegraph թերթը գրել էր, որ Մեծ Բրիտանիայի վարչապետ Քեյր Սթարմերը մտադիր է Թրամփի հետ հանդիպման ժամանակ քննարկել Ուկրաինայում հակամարտությանը վերջ դնելու ուղիները։ Լրագրողների խոսքով՝ Մեծ Բրիտանիայի վարչապետը նաև կբարձրացնի Ուկրաինային հետագա աջակցության հարցը։