Իսրայելը մարդասիրական միջանցքներ է բացում Գազայում

Իսրայելի պաշտպանության ուժերը հայտարարել են Գազայի երեք շրջաններում «ռազմական գործողություններում մարտավարական դադար»՝ Գազայի հատվածում մարդասիրական իրավիճակի վերաբերյալ աճող մտահոգությունների ֆոնին: Իսրայելը խոստացել է միջանցքներ բացել ՄԱԿ-ի մարդասիրական օգնության համար Գազայի հատված մուտք գործելու նպատակով և արդեն վերսկսում է օգնության կոնտեյներների օդային արձակումը պարաշյուտով։

Իսրայելի ՊԲ–ն հայտարարության մեջ նշել է, որ մարդասիրական միջանցքներ կստեղծվեն՝ ՄԱԿ-ի ավտոշարասյուների անվտանգ անցումը ապահովելու համար՝ սնունդ և դեղորայք հասցնելու նպատակով՝ համաձայն քաղաքական ղեկավարության հրահանգների և «Գազայի հատվածում միտումնավոր սովամահության մասին կեղծ պնդումները հերքելու համար»։

Կիրակի առավոտյան եգիպտական «al-Qahera News» լրատվական կայքը հաղորդել է, որ օգնության բեռնատարները սկսել են շարժվել դեպի Գազայի հատված՝ Ռաֆահ անցակետի եգիպտական կողմից։