Յանա Եգորյանն աշխարհի եռակի չեմպիոն է դարձել

Սուսերամարտիկ Յանա Եգորյանը Թբիլիսիում կայացած Սուսերամարտի աշխարհի առաջնությունում ոսկե մեդալ է նվաճել՝ դառնալով աշխարհի եռակի չեմպիոն:

31-ամյա Եգորյանը ներկայացնում է Ռուսաստանի հավաքականը, որը առաջնությունում հանդես է գալիս չեզոք դրոշի ներքո։

Վճռորոշ գոտեմարտում նա 15:11 հաշվով հաղթել է լեհ մարզուհի Զուզանա Չեշլարին: Օլիմպիական կրկնակի չեմպիոն Յանա Եգորյանին այս հաղթանակը բերեց աշխարհի առաջնությունների արդեն երրորդ ոսկե մեդալը (նախորդ մեդալները նվաճել էր 2015 և 2019 թվականներին):