Պեկինում ավելի քան երեք հազար բնակիչ է տարհանվել

Ավելի քան երեք հազար մարդ տարհանվել է Պեկինում տեղի ունեցած ջրհեղեղների հետևանքով, հայտնում է «МИР 24»-ը։ Անցած գիշեր քաղաքի որոշ շրջաններում տեղացել է ավելի քան 300 մմ անձրև։

Յենցին, Խուայչժոու և Միյուն շրջաններում հայտարարվել է «կարմիր»՝ ամենաբարձր վտանգի մակարդակ։ Լրջորեն խաթարվել է երթևեկությունը, կան խափանումներ էլեկտրամատակարարման և կապի ոլորտում։ Դադարեցվել է նաև երկաթուղային հաղորդակցությունը։ Սինոփտիկները կանխատեսում են, որ տեղումները կշարունակվեն մինչև երկուշաբթի։