Հաստատվել են 2025-2026 ուստարվա պարապմունքների տևողությունը և արձակուրդների ժամկետները

ՀՀ կրթության, գիտության, մշակույթի և սպորտի նախարար Ժաննա Անդրեասյանի հրամանով սահմանվել են 2025-2026 ուսումնական տարվա ընթացքում հանրակրթական հիմնական (ընդհանուր, մասնագիտացված և հատուկ) պետական ծրագրեր իրականացնող ուսումնական հաստատություններում սովորողների ուսումնական պարապմունքների տևողությունը և արձակուրդների ժամկետները։ Այս մասին տեղեկացնում են ԿԳՄՍՆ-ից:

1-12-րդ դասարաններում սովորողների ուսումնական պարապմունքները սկսվում են 2025 թվականի սեպտեմբերի 1-ից և ավարտվում 2026 թվականի մայիսի 22-ին` 5-օրյա աշխատանքային շաբաթվա, մայիսի 23-ին՝ 6-օրյա աշխատանքային շաբաթվա դեպքում:

Սահմանվել են նաև 2025-2026 ուսումնական տարվա ընթացքում հանրակրթական ուսումնական հաստատությունների 1-12-րդ դասարանների սովորողների արձակուրդների օրերը հետևյալ ժամանակացույցով՝

Առաջին դասարան

• 2025 թվականի հոկտեմբերի 13-24-ը ներառյալ՝ 5-օրյա, 2025 թվականի հոկտեմբերի 13-25-ը ներառյալ՝ 6-օրյա աշխատանքային շաբաթվա դեպքում
• 2025 թվականի դեկտեմբերի 22-ից 2026 թվականի հունվարի 16-ը ներառյալ՝ 5-օրյա, 2025 թվականի դեկտեմբերի 22-ից 2026 թվականի հունվարի 17-ը ներառյալ՝ 6-օրյա աշխատանքային շաբաթվա դեպքում
• 2026 թվականի մարտի 16-27-ը ներառյալ՝ 5-օրյա, մարտի 16-28-ը ներառյալ՝ 6-օրյա աշխատանքային շաբաթվա դեպքում

Երկրորդ դասարան

• 2025 թվականի հոկտեմբերի 20-24-ը ներառյալ՝ 5-օրյա, 2025 թվականի հոկտեմբերի 20-ից 25-ը ներառյալ՝ 6-օրյա աշխատանքային շաբաթվա դեպքում
• 2025 թվականի դեկտեմբերի 22-ից 2026 թվականի հունվարի 16-ը ներառյալ՝ 5-օրյա, 2025 թվականի դեկտեմբերի 22-ից 2026 թվականի հունվարի 17-ը ներառյալ՝ 6-օրյա աշխատանքային շաբաթվա դեպքում
• 2026 թվականի մարտի 23-27-ը ներառյալ՝ 5-օրյա, 2026 թվականի մարտի 23-ից 28-ը ներառյալ՝ 6-օրյա աշխատանքային շաբաթվա դեպքում

3-12-րդ դասարան

• 2025 թվականի հոկտեմբերի 20-24-ը ներառյալ՝ 5-օրյա, 2025 թվականի հոկտեմբերի 20-25-ը ներառյալ՝ 6-օրյա աշխատանքային շաբաթվա դեպքում
• 2025 թվականի դեկտեմբերի 22-ից 2026 թվականի հունվարի 5-ը ներառյալ

2026 թվականի մարտի 23-27-ը ներառյալ՝ 5-օրյա, 2026 թվականի մարտի 23-28-ը ներառյալ՝ 6-օրյա աշխատանքային շաբաթվա դեպքում: