Խաղաղ օվկիանոսի հարավում 6,9 մագնիտուդով երկրաշարժ է տեղի ունեցել

ԱՄՆ երկրաբանական ծառայությունը հայտնել է, որ Հարավային Խաղաղ օվկիանոսում՝ Ավստրալիայի Մակքուորի կղզու ափերի մոտ, տեղի է ունեցել 6,9 մագնիտուդով երկրաշարժ։

Երկրաշարժի էպիկենտրոնը գտնվել է Նոր Զելանդիայի Հարավային կղզու ափից մոտավորապես 1600 կիլոմետր հեռավորության վրա։ Ստորգետնյա ցնցումները տեղի են ունեցել 10 կիլոմետր խորության վրա։

Ավերածությունների կամ զոհերի մասին տեղեկություններ չկան։

Ցունամիի սպառնալիքի մասին չի հայտարարվել։