Թաիլանդը և Կամբոջան համաձայնել են սահմանին լրացուցիչ զորքեր չտեղակայել

Թաիլանդի և Կամբոջայի զինվորականները համաձայնության են եկել սահմանին լրացուցիչ զորքեր չտեղակայել շարունակվող զինված հակամարտության պայմաններում, հաղորդում է Reuters-ը՝ հղում անելով Կամբոջայի աղբյուրներին։

Կամբոջան նաև առաջարկել է միջազգային դիտորդներ ուղարկել հրադադարի պահպանմանը հետևելու համար։

Հուլիսի 29-ին Թաիլանդի ցամաքային զորքերի հրամանատարությունը հայտարարեց, որ Կամբոջան հետաձգել է բանակի հրամանատարների հանդիպումը, և սահմանին վերսկսվել են մարտական գործողությունները։

Թաիլանդի և Կամբոջայի միջև սահմանային հակամարտությունը սրվել է հուլիսի 24-ի առավոտյան։ Թաիլանդի իշխանությունները մեղադրել են Կամբոջային հակամարտությունը հրահրելու մեջ, իսկ ավելի ուշ երկրի ռազմաօդային ուժերը հարվածներ են հասցրել նրա տարածքում գտնվող թիրախներին։