Զելենսկին գոհ է մնացել Թրամփի դիրքորոշումից

Թրամփը հստակ դիրքորոշում և վճռականություն է հայտնել ժամանակին, երբ շատ բան կարող է փոխվել ուժի շնորհիվ՝ հանուն իրական խաղաղության: Այս մասին X-ում գրել է Ուկրաինայի նախագահ Վոլոդիմիր Զելենսկին։

«Շնորհակալ եմ հայտնում Թրամփին կյանքեր փրկելու և այս սարսափելի պատերազմը դադարեցնելու նրա ձգտման համար։ Ուկրաինան նախկինի պես հավատարիմ է խաղաղությանը և անխոնջ կաշխատի ԱՄՆ-ի հետ՝ մեր երկու երկրներն ավելի անվտանգ և ուժեղ դարձնելու համար։ Թրամփը չափազանց կարևոր հայտարարություն է արել. հենց Ռուսաստանն է ամեն ինչ անում խաղաղ ջանքերը խափանելու և պատերազմը ձգձգելու համար։

Խաղաղությունն իսկապես հնարավոր է, եթե մենք գործենք վճռականորեն և հաստատակամ։ Բազմիցս հայտարարել ենք՝ պատժամիջոցներն առանցքային տարր են: Ռուսաստանը հաշվի է առնում պատժամիջոցները։ Հնարավոր է խաղաղություն ուժի միջոցով: Ուկրաինան, ինչպես միշտ, պատրաստ է աշխատել Ամերիկայի, նախագահ Թրամփի հետ հնարավորինս արդյունավետ, որպեսզի արժանապատվորեն և ամուր վերջ դնի այս պատերազմին», - նշել է նա։