Գիտնականները գրանցել են Լադոգա լճի զգալի տաքացում
Գիտություն և Մշակույթ
Ռուսաստանի գիտությունների ակադեմիայի Լիմնոլոգիայի ինստիտուտի մասնագետները հայտնաբերել են Լադոգա լճի զգալի տաքացում և նրա սառցե ռեժիմի փոփոխություն, հայտնում է հետազոտական կենտրոնի մամուլի ծառայությունը։
«Լադոգա լճում ջերմային պրոցեսների երկարաժամկետ դիտարկումները , որոնց վերլուծությունը կատարում է մեր լաբորատորիայի թիմը, բացահայտել են տարածաշրջանում կլիմայական տատանումների հետ կապված էական փոփոխություններ: Մեր տվյալները ցույց են տալիս ձմեռային ժամանակահատվածների տաքացման և Լադոգա լճի սառցե ռեժիմի վերակառուցման հստակ նշաններ, որոնք պայմանավորված են Երկրի կլիմայի ընդհանուր գլոբալ փոփոխություններով», - մամուլի ծառայությունը մեջբերել է Լիմնոլոգիայի ինստիտուտի աշխարհագրության և հիդրոլոգիայի լաբորատորիայի վարիչ Միխայիլ Նաումենկոյի խոսքերը:
Գիտնականների տվյալներով՝ լճի հյուսիսում տարեկան միջին ջերմաստիճանը 2013 թվականից ի վեր 20-րդ դարի սկզբի համեմատ բարձրացել է երկու աստիճանով (մինչև 4.5 աստիճան), իսկ 2020 թվականին այն հասել է 6.5 աստիճանի։ Բացի այդ, վերջին 30 տարիների ընթացքում տարածաշրջանում հաճախակի են դարձել տաք և չափազանց տաք ձմեռները, ինչպես նաև ավելացել է տարվա տաք շրջանի տևողությունը։
Թարգմանությունը՝ lurer.com-ի։
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
