Գերմանիան պարզաբանում է պահանջում Չինաստանից

Գերմանիայում Չինաստանի դեսպանը  կանչվել է արտաքին գործերի նախարարությունը, որտեղ գերմանական կողմն իր բողոքն է հայտնել Կարմիր ծովում  գործողություն իրականացնող գերմանական ինքնաթիռի վրա լազերային հարձակման կապակցությամբ: Այս մասին ասվում է X սոցիալական հարթակում Գերմանիայի Արտաքին գործերի նախարարության տարածած հաղորդագրության մեջ

«Գերմանացի անձնակազմին թիրախավորելը և գործողությունները խաթարելը բացարձակապես անընդունելի է»,- ասվում է ԱԳՆ գրառման մեջ։

Գերմանիայի ՊՆ պնդմամբ՝ օդանավը չինական ռազմանավի կողմից լազերային հարձակման է ենթարկվել՝ «առանց որևէ պատճառի կամ նախազգուշացման»։