Վրաստանը մեկնաբանում է Բալթյան երկրների կողմից կիրառվող պատժամիջոցները
Աշխարհ
Բալթյան երկրների կողմից Վրաստանի դեմ կիրառվող պատժամիջոցները հակավրացական քաղաքականության գագաթնակետն են, հայտարարել է Վրաստանի խորհրդարանի խոսնակ Շալվա Պապուաշվիլին։ Հաղորդում է «ՌԻԱ Նովոստի»-ն։
«Բալթյան երկրների այս մոլուցքն այլևս լուրջ չէ։ Դժվար է բացատրել այն առանձնահատուկ թշնամանքը, որը նրանք ունեն վրաց ժողովրդի նկատմամբ։ Խոսքը նրանց թշնամական քաղաքականության մասին է... Սա հակավրացական քաղաքականության գագաթնակետն է», - լրագրողներին ասել է Պապուաշվիլին։
Նախօրեին Լիտվան պատժամիջոցներ է կիրառել Վրաստանի ևս 10 քաղաքացիների նկատմամբ։ Պատժամիջոցները տարածվել են Աջարիայի կառավարության ղեկավար Սուլխան Թամազաշվիլիի, խորհրդարանի անդամների և դատավորների վրա։ Այս անձանց արգելվել է մուտք գործել Լիտվա։
Լիտվայի միգրացիոն դեպարտամենտի տվյալներով՝ վիզային սահմանափակումներ արդեն իսկ ուժի մեջ են Վրաստանի 112 քաղաքացիների համար։
Լիտվան, Էստոնիան և Լատվիան առաջինն էին, որ պատժամիջոցներ կիրառեցին Վրաստանի իշխանությունների նկատմամբ՝ 2024 թվականին Եվրոպային ինտեգրվելուց հրաժարվելու դեմ զանգվածային բողոքի ցույցերի ֆոնին։
Թարգմանությունը՝ lurer.com-ի։
ՈՒՂԻՂ ԵԹԵՐ
Ամենադիտված 
Էլիզ Մելիքյանը մայրիկի հետ լուսանկար է հրապարակել
