Կատարի պատվիրակությունը Գազայի հարցով բանակցություններ է անցկացրել Սպիտակ տանը․ Axios
Աշխարհ
Կատարի պատվիրակությունը ժամանել է Սպիտակ տուն՝ Գազայում պատանդների և հրադադարի համաձայնագրի շուրջ բանակցություններ անցկացնելու նպատակով։ Այս մասին հայտնում է Axios-ը։
Ըստ լրատվամիջոցի՝ հանդիպումը կայացել է Սպիտակ տան բարձրաստիճան պաշտոնյաների հետ, որոնց անունները չեն նշվում. այն տևել է մի քանի ժամ։
Բանակցություններն ընթացել են ԱՄՆ նախագահ Դոնալդ Թրամփի և Իսրայելի վարչապետ Բենիամին Նեթանյահուի հանդիպումից առաջ։
«Մանրամասներին ծանոթ աղբյուրի համաձայն՝ Կատարի պատվիրակությունը ժամանել է Սպիտակ տուն՝ Գազայում պատանդների և հրադադարի համաձայնագրի շուրջ բանակցություններ անցկացնելու համար։ Կատարի պատվիրակությունը մի քանի ժամ հանդիպել է Սպիտակ տան բարձրաստիճան պաշտոնյաների հետ՝ նախքան Նեթանյահուի հանդիպումը նախագահ Թրամփի հետ»,- X-ում գրառում է կատարել Axios-ի թղթակից Բարաք Ռավիդը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
