Ֆոն դեր Լայենը չի հավատում, որ ԵՄ-ի և ԱՄՆ-ի հարաբերությունները կվերադառնան նախկին մակարդակ

Եվրամիությունը չի հավատում, որ Միացյալ Նահանգների հետ հարաբերությունները երբևիցե կվերադառնան այն մակարդակ, որը գոյություն ուներ մինչև Դոնալդ Թրամփի Սպիտակ տուն գալը: Ինչպես  տեղեկանում է ՏԱՍՍ գործակալությունից, այդ մասին հայտարարել է Եվրահանձնաժողովի նախագահ Ուրսուլա ֆոն դեր Լայենը՝ հանդես գալով Հռոմի արդյունաբերական համաժողովում:

«Մենք միամիտ չենք և չենք կարծում, թե մեր հարաբերությունները Միացյալ Նահանգների հետ կվերադառնան այն մակարդակ, որտեղ դրանք նախկինում էին», – ասել է ֆոն դեր Լայենը: Նա հավելել է, որ ԵՄ-ն դեռևս շարունակում է բանակցություններ  վարել Միացյալ Նահանգների հետ առևտրային մաքսատուրքերի լիակատար չեղարկման շուրջ, բայց ոչ մի լավատեսություն չի հայտնել այդ առիթով: