«Փաշինյանի կողմնակից եմ, գտնում եմ, որ նա ճիշտ է անում»․ Մերձավանի պատմության ուսուցչուհին՝ Կաթողիկոսին հեռացնելու մասին (տեսանյութ)

Մերձավանի միջնակարգ դպրոցի պատմության ուսուցչուհի Ռոզա Դավթյանը կողմ է Ամենայն Հայոց Կաթողիկոս Գարեգին Երկրորդին հեռացնելու՝ Նիկոլ Փաշինյանի նախաձեռնությանը։

«Ես միշտ պաշտպանում եմ Նիկոլ Փաշինյանի ցանկացած գաղափար, և Նիկոլ Փաշինյանի կողմնակից եմ։ Կարող է՝ չկարողանամ գնալ (Էջմիածնում կայանալիք հանրահավաքին – խմբ․), բայց գտնում եմ, որ նա ճիշտ է անում»,– Euromedia24.com–ի լրագրողի հարցին այսպես է պատասխանել ուսուցչուհին։

Հիշեցնենք, որ Արմավիրի մարզի Մերձավան բնակավայրի դպրոցում աշակերտներն ու նրանց ծնողները բողոքի ակցիա էին իրականացրել պատմության ուսուցչուհու դեմ։ Նրանց պնդմամբ՝ պատմության ուսուցչուհի Ռոզա Դավթյանը ուսուցչին ոչ հարիր վարք է դրսևորում, վիրավորում է աշակերտներին, ուսուցչական կազմին, ոչ պատշաճ կերպով է արտահայտվում արցախցիների մասին, քաոսի է վերածել դպրոցի բնականոն աշխատանքը, քարոզում է սիրել թուրքերին:

Ռոզա Դավթյանն էլ պնդում էր, որ դպրոցի ամբողջ անձնակազմը, աշակերտներն ու ծնողները դուրս են եկել իր դեմ և կազմակերպված ցանկանում են ազատվել իրենից:

Դրանից հետո ԿԳՄՍՆ–ն Արմավիրի մարզպետի աշխատակազմի հետ համագործակցությամբ որոշում էր կայացվել սահմանված կարգով դպրոցի տնօրենի ժամանակավոր պաշտոնակատարին աշխատանքից ազատելու և տնօրենի նոր ժամանակավոր պաշտոնակատար նշանակելու վերաբերյալ։

Դիտեք՝ 0։58 վայրկյանից։