Ուրալում ադրբեջանական սփյուռքի ղեկավարի նկատմամբ հետախուզում է հայտարարվել

Ուրալում ադրբեջանական սփյուռքի ղեկավար Շահին Շիխլինսկին հետախուզման մեջ է։ Այս մասին հաղորդում է Baza տելեգրամյան ալիքը։

«ՆԳՆ պաշտոնական տվյալների բազայի համաձայն՝ տղամարդը հետախուզվում է Ռուսաստանի Դաշնության Քրեական օրենսգրքի հոդվածով»,-ասվում է հաղորդագրության մեջ։

Շիխլինսկու հնարավոր հետախուզման մասին տեղեկատվությունը հայտնվել է այն բանից հետո, երբ նրա որդուն տեղափոխել են նախնական կալանքի կենտրոն՝ իրավապահ մարմինների աշխատակցի նկատմամբ բռնություն գործադրելու մեղադրանքով։