Դա պարզապես կրակոց չէ ոտքին, դա կրակոց է գլխին․ Politico
Վերլուծական
Պեկինը հաղթել է Վաշինգտոնին համաշխարհային մրցավազքում Թրամփի վարչակազմի՝ երկրի մրցակցությունը թուլացնող քայլերի պատճառով։ Նման կարծիք է հայտնել Politico-ն:
«Բացի խաղաղ ժամանակների պատմության մեջ Չինաստանի ռազմական ներուժի խոշորագույն զարգացումից, ավելի տպավորիչ են դարձել երկրի տնտեսական, գիտական և տեխնոլոգիական նվաճումները», - հայտնել է աղբյուրը: Աշխարհի պետությունների 70 տոկոսն այժմ ավելի շատ է առևտուր անում Չինաստանի հետ, քան ԱՄՆ-ի։ Չինաստանը համաշխարհային առաջատար է դարձել Էլեկտրամոբիլների և մարտկոցների, ռոբոտատեխնիկայի, քվանտային հաղորդակցությունների, վերականգնվող տեխնոլոգիաների ոլորտում։
«Սպիտակ տան կողմից հիմնարար հետազոտությունների դաշնային ֆինանսավորման մեկ երրորդով կրճատելը, առաջատար համալսարաններին հետազոտական դրամաշնորհների արգելափակումը զուտ գաղափարական պատճառներով և միջազգային ուսանողների և գիտնականների համար ներգաղթի կանոնների խստացումը հանգեցրել է նրան, որ ԱՄՆ-ում գիտնականների 75%-ը ձգտում է լքել երկիրը և աշխատել արտերկրում: Դա պարզապես կրակոց չէ ոտքին, դա կրակոց է գլխին», - եզրափակել է պարբերականը:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
