Ավելի քան 70 միգրանտ են հայտնաբերել ռուսական գերեզմանատանը՝ ապօրինի գործունեությամբ զբաղվելիս

Սուրգուտի քաղաքային գերեզմանատանը հայտնաբերվել է ավելի քան 70 միգրանտ, որոնք, ըստ Telegram-ալիք «Колоколъ»-ի, զբաղվել են չարտոնագրված բիզնեսով՝ բնակիչներին առաջարկելով գերեզմանների խնամքի ծառայություններ։ Իրավապահների կազմակերպած հատուկ գործողության արդյունքում բոլոր միգրանտները տեղափոխվել են միգրացիոն վերահսկողության բաժին։

Նույն օրը ստուգումներ են անցկացվել նաև Սուրգուտի քաղաքային շուկայում, որտեղ իրավապահները հայտնաբերել են ավելի քան 55 տոննա անօրինական ապրանք։ Ամբողջ ապրանքը առգրավվել է և ուղարկվել փորձաքննության։

Ավելի վաղ Մոսկվայում զանգվածային ստուգումների ժամանակ տեսանկարահանվել էր ավելի քան հարյուր միգրանտներից կազմված շարասյուն։ Ստուգումները իրականացվել էին մայրաքաղաքի սրճարաններում, հոսթելներում և առևտրի կենտրոններում՝ միգրացիոն օրենսդրության խախտումների բացահայտման շրջանակում։