Բաշար Ասադի երկար սպասված հայտարարությունը

Ինչպես հաղորդում է Russia Today լրատվական կայքը, երկարատև ընդմիջումից հետո Սիրիայի նախագահ Բաշար Ասադն այսօր հանդես է եկել իր ժողովրդին ուղղված կոչով, որում նշված է, որ Սիրիայում տարվող պայքարը ոչ թե հեղափոխական շարժում է, այլ ուղղակի հանցագործություն` ուղղված Սիրիայի բնակչության դեմ:

Ասադը մեղադրել է ԱՄՆ-ին և արաբական պետություններին, որոնք դրամական օժանդակություն են ցույց տալիս ապստամբներին: Նա նաև ավելացրել է, որ ապստամբների մեծ մասը սիրիացի է:

Ասադը նաև շնորհակալություն է հայտնել Իրանին, Ռուսաստանին և Չինաստանին սիրիացի ժողովրդին օժանդակելու համար: Ապստմբների կողմից տարվող պատերազմին Սիրիան պետք է պատասխանի բարեփոխումների ծրագրով:

Նախագահն ավելացրել է, որ Սիրիայի պատերազմը կարող է իր ավարտին հասնել մի քանի քայլ ձեռնարկելու միջոցով: Առաջին` պետք է վերջ տալ ապստամբների հովանավորմանը օտար պետությունների կողմից, երկրորդ` պետք է թույլ չտալ «ահաբեկիչների» մուտքը քաղաք:

Նա նաև ազգային միավորման, նոր սահամանադրության և բանակցությունների կոչ է արել` ընդգծելով Սիրիայի ճգնաժամի քաղաքական լուծման կարևորությունը: