«Լավ նվեր» «Առավոտին»՝ տարեդարձի նախօրեին. իշխանությունները պահանջում են ազատել տարածքը

Մամուլի շենքում գտնվող «Առավոտ» օրաթերթի խմբագրությանը իշխանությունները նախազգուշացնում են հեռանալ այն վայրից, որը տրվում է լրագրողական և մշակութային կառույցներին։ Շենքը նախատեսված է լրագրողական և մշակութային կառույցների համար, իսկ «Առավոտը» հայտնի է իր ընդդիմադիր դիրքորոշմամբ և ավելի քան 30 տարի գործունեություն է ծավալում Հայաստանի մեդիա դաշտում։ 

«Առավոտի» խմբագիր Աննա Իսրայելյանի խոսքով՝ նրանք կշարունակեն աշխատել, ինչ պարագայում էլ ուզում է լինի։ Տարածքով ոչինչ չի որոշվում։ Ծայրահեղ դեպքում՝ տնից կարող են աշխատել։ Նրա խոսքով՝ ևս մեկ անգամ իրենց վերաբերմունքը պարզ դարձավ մամուլի հանդեպ. նրանց անգամ ժամանակ չեն տրամադրել նոր տարածք գտնելու և տեղափոխվելու համար՝ պահանջում են որքան հնարավոր է շուտ նոր տարածք տեղափոխվել։

«Սա իսկապես շատ «լավ նվեր» է մեզ համար, քանի որ օգոստոսի մեկին լրանում է «Առավոտի» լույս ընծայման տարեդարձը։ Շնորհակալություն հայրենի կառավարությանը՝ այս լավ նվերի համար», – նշեց Իսրայելյանը։ 

Նրա խոսքով՝ պարզաբանումը եղել է այն, որ պայմանագրի ժամկետն ավարտվել է, սակայն «Առավոտը» փորձել է նոր պայմանագիր կնքել։ «Առավոտը բոլոր իշխանությունների օրոք էլ քննադատական տեսակետով է հանդես եկել։ 

Մամուլի շենքը միշտ էլ համարվել է խմբագրությունների տարածք, բայց այս իշխանությունների օրոք այդպես չէ», – ընդգծեց խմբագիրը։ Խոսելով հնարավոր ֆինանսական դժվարությունների մասին՝ Աննա Իսրայելյանը ասաց․ 

«Իհարկե, ֆինանսական խնդիրների կհանդիպենք, բայց սրանով ոչինչ չի որոշվում։ Նման բաներ ենք հաղթահարել մեր գործունեության 30 տարիների ընթացքում»։

Մանե Գևորգյան