Գիտնականները զգուշացնում են Կամչատկայում երկրաշարժից հետո ուժեղ հետցնցումների մասին

Կամչատկայում տեղի ունեցած երկրաշարժից հետո սպասվում են ուժեղ, բայց ոչ ավերիչ հետցնցումներ։ Այս մասին «ՌԻԱ Նովոստի»-ին հայտնել է «Ռուսաստանի գիտությունների ակադեմիայի միասնական երկրաֆիզիկական ծառայություն» դաշնային հետազոտական կենտրոնի Կամչատկայի մասնաճյուղի տնօրեն Դանիլա Չեբրովը։

«Տարածաշրջանում իրավիճակը նորմալ է, բնակչությունը մի փոքր նյարդային է, բայց ընդհանուր առմամբ, կարծում եմ, իրավիճակը հանգիստ է։ Մենք սպասում ենք բավականին ուժեղ, բայց ոչ ավերիչ հետցնցումների», - ասաց գիտնականը։

Հուլիսի 30-ի առավոտյան Կամչատկայում տեղի է ունեցել 8.7 մագնիտուդով երկրաշարժ։ Բնական աղետը գրանցվել է տեղական ժամանակով մոտավորապես ժամը 11:30-ին (Մոսկվայի ժամանակով ժամը 2:30-ին)։ Դրա էպիկենտրոնը գտնվում էր Պետրոպավլովսկ-Կամչատկայից 161 կմ հեռավորության վրա, իսկ օջախը՝ 32 կմ խորության վրա։ Այս սեյսմիկ իրադարձությունը տարածաշրջանում ամենաուժեղն էր 1952 թվականից ի վեր։