Անգոլայի մայրաքաղաքում անկարգությունների հետևանքով 22 մարդ է զոհվել

Անգոլայի մայրաքաղաք Լուանդայում երկուշաբթի օրվանից տեղի ունեցող անկարգությունների, վանդալիզմի և թալանի հետևանքով զոհվել է առնվազն 22 մարդ, հուլիսի 30-ին հայտարարել է Ներքին գործերի նախարար Մանուել Հոմենը՝ նախագահ Ժոաո Լուրենսոյի նախագահությամբ կայացած Նախարարների խորհրդի նիստի ժամանակ։

Տեղական «Jornal de Angola» թերթի տվյալներով՝ Լուանդայում անկարգությունները սկսվել են հուլիսի 28-ին։ Բողոքի ակցիայի մասնակիցները պահանջում էին բենզինի և դիզելային վառելիքի գների իջեցում, որոնք բարձրացել էին կառավարության կողմից վառելիքի սուբսիդիաների վերացման հետևանքով։

«Մահացածների թվում կա մեկ ազգային ոստիկանության աշխատակից։ Եվս 197 մարդ վիրավորվել է։ 1214 մարդ ձերբակալվել է թալան կատարելու կասկածանքով», - հրատարակությունը մեջբերում է Ներքին գործերի նախարարության ղեկավարի խոսքերը։