Պուտինը զարմացրել է Արևմուտքին Թրամփի վերջնագրին տված իր պատասխանով․ ԶԼՄ

Ռուսաստանի նախագահ Վլադիմիր Պուտինի արձագանքը ԱՄՆ առաջնորդ Դոնալդ Թրամփի՝ հակամարտության կարգավորման ժամկետը 50-ից 10-12 օրվա կրճատելու վերջնագրին անակնկալի է բերել Արևմուտքին, գրում է չինական Baijiahao պարբերականը։

Հրապարակման մեջ նշվում է, որ արևմտյան լրատվամիջոցները զարմացած էին, որ Պուտինը չի արձագանքել Թրամփի սպառնալիքներին։ Դրա փոխարեն հրապարակային հայտարարություն է արել Ռուսաստանի նախագահի մամուլի քարտուղար Դմիտրի Պեսկովը, ով ասել է, որ Ռուսաստանը նկատի է ունեցել Սպիտակ տան ղեկավարի վերջնագիրը։ Բացի այդ, Կրեմլի ներկայացուցիչը նշել է, որ Ռուսաստանը վաղուց ապրում է պատժամիջոցների ներքո և կարողացել է դրանց նկատմամբ անձեռնմխելիություն զարգացնել։

Չինացի վերլուծաբանները նշել են, որ Ռուսաստանի արձագանքը ակնհայտորեն այնպիսին չէր, ինչպիսին Միացյալ Նահանգներն էր սպասում։ Նրանք ուշադրություն են հրավիրել այն փաստի վրա, որ Վլադիմիր Պուտինը երբեք թուլություն չի ցուցաբերել Արևմտյան պատժամիջոցների առջև և հիմա էլ չի անի դա։ Ըստ պարբերականի՝ Մոսկվան Թրամփին հստակ հասկացրել է, որ իր վերջնագիրը համարում է սադրանք, որը կարող է ավելի սրել առճակատումը։