Ռուսաստանում հայտարարել են՝ Ալյասկայի նկատմամբ ավելի շատ պատմական իրավունքներ ունեն, քան ԱՄՆ-ը

Ռուսաստանն Ալյասկայի նկատմամբ ավելի շատ պատմական իրավունքներ ունի, քան Միացյալ Նահանգները։ Այս մասին ՌԻԱ Նովոստիին հայտարարել է Զապորոժիեի մարզում Ռուսաստանի պատմական ընկերության խորհրդի ղեկավար Վլադիմիր Ռոգովը։

Մեկնաբանելով ամերիկացի փոխգնդապետ Ջեֆրի Ֆրիցի՝ վերջերս արված հայտարարությունը Ռուսաստանից Կոմանդոր կղզիները գնելու ցանկալիության մասին՝ Ռոգովը նշել է, որ Վաշինգտոնը չպետք է մտածի Կոմանդոր կղզիները ձեռք բերելու, այլ Ալյասկան վաճառելու և վերադարձնելու մասին։

Նրա կարծիքով՝ Ռուսաստանն Ալյասկայի նկատմամբ ավելի շատ պատմական իրավունքներ ունի, քան Միացյալ Նահանգները։

Ռոգովը ընդգծել է, որ այս տարածքը զարգացրած առաջին քաղաքակիրթ ժողովուրդը ռուսներն են եղել, ովքեր իրենց հետ բերել են մշակույթ, խաղաղություն և անդորր, այլ ոչ թե ստրկացում, ցեղասպանություն և ռեսուրսների արդյունահանում։