Պատերազմի պատճառով՝ Իրանն ու Իսրայելը հաքերների նոր «սիրելիներն» են դարձել

Մերձավոր Արևելքում հակամարտության սրման ֆոնին Իրանը և Իսրայելը 2025 թվականի երկրորդ եռամսյակում մտել են աշխարհի ամենաշատ հարձակման ենթարկված երկրների հնգյակ։ Իսրայելը համաշխարհային վարկանիշում զբաղեցրել է չորրորդ տեղը (բոլոր հարձակումների 8,4%-ը), իսկ Իրանը՝ հինգերորդը (8,1%)՝ բախվելով քաղաքականապես մոտիվացված հաքերների կողմից DDoS հարձակումների ռեկորդային թվի։ Այս մասին Gazeta.Ru-ին հայտնել է StormWall ընկերության մամուլի ծառայությունը։

StormWall-ի ուսումնասիրության համաձայն՝ 2025 թվականի երկրորդ եռամսյակում աշխարհում DDoS հարձակումների թիվը նախորդ տարվա նույն ժամանակահատվածի համեմատ աճել է 108%-ով։ Հակա-վարկանիշի առաջատարներն ավանդաբար եղել են Միացյալ Նահանգները, որը կազմել է հարձակումների ընդհանուր թվի 12,6%-ը, Չինաստանը (10,4%) և Հնդկաստանը (9,2%)։ Մասնագետները դրանց խոցելիությունը վերագրում են զարգացած տնտեսությանը և աշխարհաքաղաքական հակամարտություններին, ինչպիսին է Հնդկաստանի և Պակիստանի միջև առճակատումը։

Առաջատար տասնյակում ներառվել են նաև եվրոպական երկրները, որտեղ Գերմանիան վեցերորդ տեղում է (7,6%), իսկ Մեծ Բրիտանիան՝ յոթերորդում (7,3%)։ Բացի փրկագին պահանջող ծրագրերի հանդեպ հետաքրքրությունից՝ այս երկրները տուժել են իրենց քաղաքական որոշումներից դժգոհ հաքերների գործողություններից։