Ռուսաստանը նախազգուշացվել է հնարավոր լարվածության աճի մասին Բերինգի նեղուցում

Ռուսաստանի նախագահի օգնական Նիկոլայ Պատուշևը հայտարարել է, որ ԱՄՆ-ը և Ճապոնիան կարող են սրել լարվածությունը Բերինգի նեղուցում՝ ռազմական իրավիճակի ցանկացած սրման դեպքում։ Նրա խոսքով՝ նույնիսկ առկա երկկողմ համաձայնագրերը չեն ապահովում միջադեպերի բացառումը, հայտնում է РИА Новости-ն։

Պատուշևը նշել է, որ Ճապոնիան ակտիվորեն զարգացնում է իր ավիակիրային նավատորմը, սուզանավային ուժերը և հրթիռային զինանոցը՝ ինչը վկայում է Հյուսիսային Խաղաղ օվկիանոսի տարածաշրջանում աճող ռազմաքաղաքական ճնշման մասին։

Ըստ Պատուշևի՝ նման զարգացումները վտանգում են ինչպես Տրանսարկտիկական տրանսպորտային միջանցքի անվտանգությունը, այնպես էլ Ռուսաստանի Հեռավոր Արևելքի կայունությունը։ Ավելի վաղ նա նաև զգուշացրել էր ԱՄՆ-ի և ՆԱՏՕ-ի ակտիվության աճի հետևանքով Արկտիկայում հնարավոր անկառավարելի լարվածության մասին։