Լիտվայի վարչապետը հրաժարական է տվել. նրա ազգականի ընկերությանը մեղադրանք է առաջադրվել արտոնյալ վարկ ստանալու մեջ

Լիտվայի վարչապետ Գինտաուտաս Պալուցկասը հրաժարական է տվել, հայտարարել է երկրի նախագահ Գիտանաս Նաուսեդան։

Նաուսեդայի խոսքով՝ վարչապետը իր հրաժարականի մասին տեղեկացրել է այսօր առավոտյան տեղի ունեցած հեռախոսազրույցի ժամանակ։ Պալուցկասը նաև հրաժարական է տվել Լիտվայի սոցիալ-դեմոկրատական կուսակցության նախագահի պաշտոնից։ Նաուսեդան բացատրել է, որ ընտրություններում հաղթած և խորհրդարանում մեծամասնություն ունեցող կուսակցությունը այժմ բանակցություններ կսկսի կոալիցիա կազմելու վերաբերյալ։

Լիտվայի ազգային հեռուստառադիոընկերությունը (LRT) հիշեցնում է, որ, համաձայն սահմանադրության՝ վարչապետի հետ միասին հրաժարական է տալիս նաև ողջ կառավարությունը։ Այնուամենայնիվ, նախագահը կարող է հանձնարարել նախարարներին ժամանակավորապես կատարել իրենց պարտականությունները՝ մինչև նոր կառավարության ձևավորումը։

Գինտաուտաս Պալուցկասի շուրջ հարցեր են առաջացել նրա ազգականուհի Վիրգինիա Պալուցկենեի հիմնած «Dankora» ընկերության նկատմամբ անցկացված հետաքննությունից հետո։ «Dankora»-ն 200,000 եվրո արտոնյալ վարկ է ստացել Դրուկյայ գյուղում էլեկտրամոբիլների լիցքավորման ենթակառուցվածքների զարգացման ծրագրի շրջանակներում և սարքավորումներ է գնել «Garnis» ընկերությունից, որի բաժնետոմսերի 49%-ը պատկանում է հենց Պալուցկասին։ Սա տեղի է ունեցել այն ժամանակ, երբ Պալուցկասն արդեն զբաղեցնելուց է եղել վարչապետի պաշտոնը։ «Dankora» ընկերությունում պնդում են, որ տեղյակ չեն եղել «Garnis»-ի բաժնետերերի մասին։

Հուլիսի 24-ին Նաուսեդան Պալուցկասին երկու շաբաթ ժամանակ է տվել՝ կառավարության ղեկավարի պաշտոնում իր աշխատանքը շարունակելու հարցը քննարկելու համար: Այնուհետև վարչապետը հայտարարել է, որ հրաժարականի կոչեր չի ստացել ո՛չ նախագահից, ո՛չ էլ իր կուսակից գործընկերներից: Նա ասել է, որ մեկնում է «երկար պլանավորված» երկշաբաթյա արձակուրդի: