Սիրիայի` քրիստոնյաներով բնակեցված թաղամասը ենթարկվել է ականանետի հարձակման

Դամասկոսի կենտրոնում գտնվող քրիստոնյաներով բնակեցված Բեբ Թումա շրջանը ենթարկվել է ականանետի հարձակման: Վիրավորների և զոհերի մասին դեռևս ստույգ տվյալներ չկան: Այս մասին տեղեկացնում է ալ Մայադին հեռուստաընկերությունը:

Մինչ այդ ապստամբները պայթեցրել էին Սալահ էդդին մզկիթի մոտ գտնվող ավտոմեքենան:

Sana սիրիական լրատվական գործակալությունը հայտնում է, որ կառավարությունը ռազմական գործողություններ է անցկացնում քաղաքի արվարձաններում գտնվող ապստամբների նկատմամբ:

Սպանվածների թվում կան նաև վարձկաններ արաբական պետություններից: Ռազմական գործողություններ ընթանում են նաև Հալեպի հյուսիսում: Կառավարակյան ուժերն օգտագործում են հրթիռներ Թուրքիայի սահմանի մոտ գտնվող լեռնային շրջաններում: