ԱՄՆ հատուկ բանագնաց Ուիթկոֆը կայցելի Ռուսաստան

ԱՄՆ նախագահ Դոնալդ Թրամփը հայտարարել է, որ ամերիկացի առաջնորդի հատուկ դեսպանորդ Սթիվ Ուիթկոֆը կայցելի Ռուսաստան։ Այս մասին հաղորդում է ՏԱՍՍ-ը։

«Նա մեկնում է Իսրայել, իսկ հետո, հավատում եք, թե ոչ, Ռուսաստան», - Սպիտակ տանը լրագրողների հետ զրույցի ժամանակ ասել է Թրամփը՝ պատասխանելով Ուիթկոֆի արտասահմանյան այցելությունների մասին հարցին։

Հուլիսի 14-ին Թրամփը սպառնացել է Ռուսաստանի և նրա առևտրային գործընկերների նկատմամբ 100% երկրորդային մաքսատուրքեր մտցնել, եթե Ուկրաինայում հակամարտության կարգավորման գործընթացում առաջընթաց չգրանցվի։ Սկզբում Սպիտակ տան ղեկավարը Ռուսաստանին 50-օրյա ժամկետ էր սահմանել ռազմական գործողությունները դադարեցնելու համար, սակայն հուլիսի 28-ին այն կրճատել է մինչև 10-12 օր։