Լեհաստանը ստեղծում է շարժական ամրոցներ Ռուսաստանի սահմանի մոտ՝ պատրաստվելով ճգնաժամային սցենարների

Լեհաստանի պաշտպանության փոխնախարար Ցեզարի Թոմչիկը հայտնել է, որ «Արևելյան վահան» անվանվող ամրաշինական համակարգը, որը նախատեսված է Ռուսաստանի, Բելառուսի, Լիտվայի և Ուկրաինայի հետ սահմանների պաշտպանության համար, կլինի ոչ թե շարունակական պատ, այլ՝ շարժական, ճկուն լուծում։ Նրա խոսքով՝ ամրապնդումներն այս անգամ «կաշխատեն 21-րդ դարի կանոններով, ոչ թե 100 տարի առաջվա»։

Յուրաքանչյուր սահմանամերձ համայնքում կտեղակայվի պահեստ՝ ամրաշինական համակարգի տարրերի համար։ Բացի այդ, բոլոր շրջաններում կստեղծվեն մեծածավալ լոգիստիկ կենտրոններ, որոնք կծառայեն նաև քաղաքացիական պաշտպանության նպատակներին։

Ավելի վաղ Լեհաստանը ձեռք էր բերել 18 բազմաֆունկցիոնալ ռադար՝ հիմնված իսրայելական ELM-2238/X STAR X տեխնոլոգիայի վրա՝ Բալթիկ ծովի և Կալինինգրադի շրջանի նկատմամբ վերահսկողությունն ուժեղացնելու համար, գրում է Лента.ру-ն։