Թրամփը պահանջում է պատժել ՌԴ միջամտության «կեղծ սկանդալի» մեղավորներին՝ անվանելով այն ԱՄՆ պատմության ամենամեծ խաբեությունը

ԱՄՆ նախագահ Դոնալդ Թրամփը հայտարարել է, որ 2016 թվականի նախագահական ընտրություններին Ռուսաստանի մասնակցության վերաբերյալ կեղծ հետախուզական տվյալների ստեղծումը «Ամերիկայի պատմության ամենամեծ սկանդալն» է։ Truth Social հարթակում նա գրել է, որ մեղավորները պետք է «վճարեն բարձր գին»՝ նման հանցագործության համար։

Թրամփի խոսքով՝ փաստերը արդեն ամբողջությամբ բացահայտված են և արձանագրված՝ «սևով սպիտակի վրա»։ Նա ընդգծել է, որ նման իրավիճակների կրկնությունը պետք է բացառել, և գործը պետք է ունենա հետևանքներ։

Ավելի վաղ նախկին նախագահի թիմին մոտ կանգնած անձինք, այդ թվում՝ ՖԲԱ նախկին պաշտոնյա Քեշ Փաթելը, պնդել էին, որ Հիլարի Քլինթոնի շտաբը փորձել է սադրել Թրամփի ու Ռուսաստանի միջև գոյություն չունեցող կապ՝ 2016-ի ընտրություններից առաջ։