Մի քանի պաշտոնյաներ դատապարտվել են Չինաստան արտահանման դիմաց կաշառք վերցնելու համար

Վլադիվոստոկում դատարանը դատավճիռ է կայացրել հանցավոր խմբավորման հինգ անդամների նկատմամբ, որոնց թվում եղել են Ռուսաստանի գյուղատնտեսական վերահսկողության ծառայության՝ Россельхознадзор-ի բարձրաստիճան պաշտոնյաներ։ Նրանք մեղավոր են ճանաչվել կաշառքի դիմաց Չինաստան փայտի և հացահատիկի արտահանման թույլտվություններ արագ և անխոչընդոտ տրամադրելու սխեմա կազմակերպելու համար։ Այս մասին հայտնում է Լենտա.ռու-ն՝ հղում կատարելով տարածաշրջանային դատախազությանը։

Մեղադրյալները դատապարտվել են 8.4-ից մինչև 9 տարվա ազատազրկման խիստ ռեժիմով գաղութում, ինչպես նաև տուգանվել են 45 միլիոն ռուբլի։ Ըստ քննության՝ կոռուպցիոն սխեման գործել է 2015-ի ապրիլից մինչև 2016-ի օգոստոսը, և այդ ընթացքում պաշտոնյաները շորթել են գումարներ արտահանող գործարարներից՝ սպառնալով մերժել թույլտվությունների տրամադրումը։

Նմանատիպ դեպքով ավելի վաղ Մոսկվայում 15 տարվա ազատազրկման էր դատապարտվել ՌԴ ԱԻՆ նախկին բարձրաստիճան պաշտոնյա Դմիտրի Դաուդաշվիլին։