Քելլոգը Կիևում քննարկում է Ուկրաինային զենք մատակարարելու հեռանկարները

Ուկրաինայի հարցերով ԱՄՆ հատուկ ներկայացուցիչ Քիթ Քելլոգը երկուշաբթի օրը հայտարարել է, որ Կիևում հանդիպել է Ուկրաինայի նախագահ Վլադիմիր Զելենսկիի հետ՝ Ուկրաինային զենքի մատակարարման հետ կապված իրավիճակը քննարկելու համար։

«Այսօր Կիևում հանդիպում եմ նախագահ Զելենսկիի հետ՝ քննարկելու նախագահ Թրամփի և ՆԱՏՕ-ի միջև կնքված պատմական համաձայնագիրը, որը կարագացնի ԱՄՆ-ում արտադրված առաջատար զենքի մատակարարումը Ուկրաինա», - գրել է Քելլոգը սոցիալական ցանցերում։

Նա հավելել է, որ գործարքը, որը «ամբողջությամբ ֆինանսավորվում է դաշնակիցների կողմից», կօգնի «արագացնել մատակարարումները, աջակցել Ուկրաինայի պաշտպանությանը, ամրապնդել ՆԱՏՕ-ի միասնությունը և ընդգծել մեր հանձնառությունը ուժի միջոցով խաղաղությանը»։