Էրդողանը խոսել է դարի ամենադաժան ցեղասպանության մասին

Այն, ինչ տեղի է ունենում Գազայի հատվածում, ներկայացնում է դարի ամենադաժան ցեղասպանությունը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, փոխանցում է Lenta-ն։

«Գազայում հիմա տեղի է ունենում վերջին դարի ամենադաժան ցեղասպանությունը։ Ոչ միայն երեխաները, այլև այն ամենը, ինչ խորհրդանշում է մարդկությունը, ոչնչացվում է հանցագործների ձեռքով։ Չնայած նրանց, ովքեր զրպարտում էին ՀԱՄԱՍ-ին՝ նրանց ահաբեկիչներ անվանելով, որպեսզի արժանանան Իսրայելի ճանաչմանը, Թուրքիան երես չի թեքել Գազայի հերոսական բնակիչներից», - նշել է պետության ղեկավարը։

Էրդողանը հույս է հայտնել՝ «մի օր մարդկությունը կտեսնի անկլավում, ինչպես նաև Սիրիայում բռնության վերջը»: Նա ընդգծել է՝ «մարդիկ անպայման կապրեն մինչև այդ օրերը»։