Ռուսական բանակը վերահսկողություն է հաստատել Ալեքսանդրո-Կալինովո բնակավայրում

Ռուսաստանի զինված ուժերը գրավել են Ալեքսանդրո-Կալինովո գյուղը Դոնեցկի տարածքում։ Տեղեկությունը հայտնել է ՌԴ Պաշտպանության նախարարությունը՝ նշելով, որ այդ հաջողությունը ձեռք է բերվել «Հարավ» խմբավորման զինվորների և սպաների վճռական գործողությունների արդյունքում։

Ալեքսանդրո-Կալինովոն գտնվում է Կոնստանտինովկայի հարավում և համարվում է ռազմավարական կարևորություն ունեցող բնակավայր, գրում է Лента.ру-ն։

Ավելի վաղ ռուսական բանակը, երկարատև մարտերից հետո, վերահսկողություն էր հաստատել նաև Դոնեցկի շրջանի ևս մեկ կարևոր քաղաքում՝ Չասով Յարում։